"అయ్యో"
ఎలుక చెప్పటం మొదలు పెట్టింది.
"ఈ ప్రపంచమంతా రోజు రోజుకీ చిన్నదిగా అయిపోతుంది. మొదట్లో ఇది చాలా విశాలంగా ఉండేది. ఎంత విశాలంగా అంటే నేను భయపడి పారిపోయాను. చివరికి దూరంగా అటూ ఇటూ రెండు గోడలు కనిపించాక నాకు ఆనందంగా అనిపించింది. కానీ ఈ పొడవయిన గోడలు కూడా చాలా తొందరలోనే ఇరుకుగా మారిపోయి, ఇప్పటికే నేను చివరి గది వరకూ వచ్చేశాను. గదిలో ఓ మూల పిల్లి కాచుకుని ఉంది."
"నువ్వు నీ దిశను మార్చుకుని ఉండవలసింది." అని హెచ్చరించిన పిల్లి, ఎలుకను గుటుక్కుమనిపించింది.
